Четириесетгодишен прилепчанец вчера вечерта бил застрелан од непознато лице на паркинг пред ресторанот „Фурна“ во Скопје, но за среќа се здобил со полесна повреда и неговиот живот не е загрозен.
Како што информираат од СВР Скопје, инцидентот се случил по 22 часот на булеварот „М.Т. Гологанов“ на паркинг, кога 40-годишниот М.Ј. од Прилеп влегол во својот џип „порше кајен“ со скопски регистарски ознаки и се обидел да го стартува, но засега непознато лице и од непознати причини од пиштол испукал два куршума кон возилото.
Возачот биле ранет, се здобил со повреда во пределот на десната надколеница, по што бил пренесен во Градската општа болница „Свети Наум Охридски“ каде од страна на лекар му биле констатирани телесни повреди.
Увид на местото на настанот извршила увидна екипа од СВР Скопје и се преземаат мерки за пронаоѓање на сторителот и како и целосно расчистување на случајот.