Барселона, Атлетико и Реал победија во натпреварите кои се одиграа во рамките на 36.коло во Примера.
Реал, во Сан Себастијан, ја отвори програмата и славеше тешка победа со голот на Бејл во 80. минута. Реал на овој меч настапи без Роналдо, Бензема и Крос.
Атлетико исто така минимално славеше над Рајо Ваљекано. Без тренерот Симеоне и со само четворица од стартниот состав, бодовите на Атлетико му ги донесе Гризман со својот 21-ви сезонски гол. Францускиот репрезентативец во игра влезе 40-тина секунди пред да го постигне голот.
Барселона, во второто полувреме стигна до победата 2-0 над Бетис. Ракитиќ во 50-та и Луис Суарез во 81-та минута ги постигнаа головите. Бетис од 37-та минута играше со играч помалку поради исклучувањето на Вестерман. Германецот за само седум минути доби два жолти картони.
На две кола до крајот на Примера, Барселона и Атлетико имаа по 85 бодови, а Реал 84.