Во чест на првиот роденден на принцезата Шарлот , Кралската палата објави нови фотографии од малечката принцеза. Фотографиите се направени од нејзината мајка, Кејт Мидлтон.
Принцот Вилијам и Кејт Мидлтон пред една година станаа родители на малата Шарлот, чие раѓање привлече големо внимание во светот. Иако родителите се трудат да ја сочуваат приватноста на своите дечиња, сепак одвреме-навреме објавуваат фотографии од нив.
Принцезата доби подароци и честитки од бројни кралски личности, претседатели и премиери од 64 земји. Меѓу даровите има детска играчка - тропалка од 18-каратно бело злато со дијаманти, рубини и сафири, подарок од нејзиниот дедо Чарлс.