Полициски службеници во текот на вчерашниот и завчерашниот ден при извршени контроли во угостителски објекти на подрачјето на СВР Скопје лишија од слобода 12 лица, кај кои е пронајдена дрога, соопшти денеска Министерството за внатрешни работи.
– Во текот на 13 и 14 мај 2022 година од страна на полициски службеници од Единицата за недозволена трговија при СВР Скопје, во содејство со полициски службеници од Единицата за интервентна полиција при СВР Скопје извршени се контроли во угостителски објекти на подрачјето на СВР Скопје. Притоа, од слобода се лишени 12 лица, од кои 11 од Скопје и 1 од Охрид, бидејќи кај нив е пронајдена дрога. Од нив, кај 7 лица е пронајдена марихуана, кај 4 бела прашкаста материја, а кај 1 и марихуана и кокаин, посочуват од МВР.
Лицата се приведени во полициска станица и по документирање на случајот против нив ќе биде поднесен поднесок по член 215 од Кривичниот законик.
