Голем удар за „аѕурите“ откако центарот на Њу Орлеанс Пеликанс поради повреда дефинитивно отпадна од списокот на патници за Мундијалот во Кина.
Слично како и Американецот Кал Лаури и Николо Мели се опоравуваше од операција на коленото која ја изврши на 27 јуни. И тој не успеа да се рехабилитира и покрај огромната желба на Италијанецот да игра за својата репрезентација.
Селекторот Мео Сакети со петнаесет кошаркари моментално се подготвува во база во Рим, а утре ќе одиграат пријателска со Венецуела.
Од 16 до 18 овој месец Италија ќе биде дел од „Акрополис“ турнирот на кој ќе играат уште и Србија, Турција и домаќинот Грција.
