Музика

Прошетајте со Лени Кравиц на неговиот ранч во Бразил

18. април 2019 - 9:04 | А.С.

Лени Кравиц ве води на тура низ неговиот прекрасен ранч во Бразил, изграден врз плантажа за кафе од 18. век. На ранчот има и фудбалски терен, бразилска скара и градби за потребите на фармата изградени во колонијален стил од 19. век.

Местото е толку прекрасно што воопшто не изненадува фактот дека музичарот го поминува секое слободно време таму. Во прилогот за Architectural Digest Лени ќе ве прошета низ куќата, помошните простории и прекрасната природа во и околу ранчот.

Лени Кравиц, четирикратен добитник на награда Греми добитник и миленик на женската публика, има закажано концерт во Скопје на 3 мај.

Според информациите од организаторот на концертот „Авалон“, партерот и фан питот се распродадени, а во продажба уште има влезници за трибини од сите категории во ВИП Арената. Влезниците се движат по цена од 1.990 до 3.990 денари.

Коментирај