На десет дена пред промоцијата на новата генерација на врвните Samsung Galaxy смартфони, протече фотографија од изгледот на претстојниот Samsung Galaxy S7 Edge.
Фотографијата се појави на Twitter профилот Evan Blass која дава досега најдобар увид во изгледот и заоблените линии на уредот.
Од неа се гледа дека новиот смартфон ќе биде многу сличен на претходникот, Galaxy S6 Edge. И покрај тоа, станува збор за одличен смартфон кој ќе има 5,5 инчен Quad HD екран, Qualcomm Snapdragon 820 процесор и 4 GB RAM. Екранот ќе може да прави разлика меѓу краток допир и подолго притискање.
Покрај тоа, смартфонот има и microSD слот, како и подобрена камера.
Samsung ќе го претстави Galaxy S7 Edge на Mobile World Congress на 21 февруари.