Интервјуто следеше по објавувањето на извештајот дека Трамп се подготвува да потпише наредба со која повторно ќе се затвораат лицата осомничени за тероризам на тајни локации, таканаречени „места”.
Претседателот на САД Доналд Трамп изјави дека смета дека мачењето на затворениците е ефективно, бидејќи како што оцени, „против оган мора да се бори со оган”.
Во првото телевизиско интервју од инаугурацијата кое го даде за ABC, претседателот на САД изјави дека ќе се посоветува со секретарот за одбрана Џејмс Матис и со директорот на ЦИА Мајк Помпео за тоа што легално може, а што не, во борбата против тероризмот.
Тој изјави дека челниците на разузнавачките служби рекле дека мачењето како дел од испитувањето е ефективно и дека тој апсолутно повторно би го вовел мачењето со вода кое предизвикува чувство на давење.
Со ова, би биле тргнати ограничувањата на принудните испитувачки мерки кои се воспоставени со долгогодишни воени упатства наменети да обезбедат хумано воено испитување, а кои беа во склад со Женевската конвенција.