Фудбал

ПСЖ договара откуп на Икарди во јануари – трансфер тежок 125 милиони евра

15. ноември 2019 - 14:15 | А.С.

Аргентинскиот напаѓач Мауро Икарди (26) одлично игра на позајмица во ПСЖ, па францускиот првак одлучи да го откупи неговиот договор од Интер, пишуваат бројни италијански и француски медиуми, меѓу кои и угледниот весник Gazzetta dello Sport.

Наводно почнати се преговорите меѓу спортскиот директорр на ПСЖ леонардо и сопругата и менаџерка на Аргентинецот, Ванда Нара, околу тоа неговата позајмица уште во јануари да се претвори во трансфер.

Во договорот за позајмица, ПСЖ има право да го откупи Икарди со отштета од 65 милиони евра додека играчот е во Париз, а и самиот претседател на клубот Насер ал Келаифи инсистира Аргентинецот да остане.

На Икарди наводно му се нуди петгодишен договор, финансиски далеку подобар од оној што го има со позајмицата што му носи заработка од 9 милиони евра годишно.

Со трајно префрлање во ПСЖ би добивал 12 милиони евра годишно, што со бонуси би можело да стигне до двојно поголема сума од онаа што го чека ако се врати во Интер (7,5 милиони евра).

Тоа значи дека Французите би му платиле отштета и плата на Икарди од 125 милиони евра.

Сезонава тој одигра 20 натпревари за ПСЖ на кои постигна девет голови и запиша една асистенција.

Коментирај