Фудбал

ПСЖ одбил 100 милиони плус Бејл, Родригес и Навас за Нејмар

22. август 2019 - 15:07 | Ф.З.

Францускиот гигант одбил неверојатна понуда од Реал Мадрид за бразилскиот ас, пренесува L'Équipe.

Изгледа Реал Мадрид го искористи и последниот џокер во обидот да се засили со Нејмар откако ПСЖ ја одбил богатата понуда на мадриѓаните. Понудата од 100 милиони евра плус Герет Бејл, Хамес Родригес и голманот Кејлор Навас не им се допаднала на парижаните и била одбиена.

Сега во игра за Бразилецот остануваат Барселона и Јувентус. Италијанскиот тим се очекува да понуди пари плус Пауло Дибала, додека Каталонците во неколку наврати нудеа пари плус играчи, но беа одбивани.

ПСЖ не сака да го пушти Нејмар за сума под 200 милиони евра, но мали се шансите некој да понуди толку.

Коментирај