Рускиот претседател со најава на нови оружја како хиперсонична беспилотна ракета, во годишното обраќање на нацијата се обиде да поттикне патриотска поддршка во момент кога расте незадоволството за економската ситуација, како и пад на неговиот рејтинг, сметаат руските медиуми.
Путин се обрати на нацијата со остра реторика, пишува Independent. Британскиот весник додава дека и минатата година претседателот имаше ист говор, најавувајќи нова генерација на нуклеарно оружје.
Оваа година Русите очекуваа поинаков пристап, и тоа го добија во првиот дел од говорот, кога Путин вети повеќе пари за клиниките и училиштата, како и дека ќе се бори против ароганцијата на неговите бирократи.
Но, после еден час од говорот, претседателот најави нова хиперсонична ракета – Циркон и ласерски систем.
Путин зборуваше повеќе од час и половина на собирот на Федералното собрание на Русија.