Палитана е мал град во Гујурат, Индија, познат по тоа што сите жители се вегетаријанци. Во него има забрана за продажба на јајца и месо, како и убивање животни.
Ова е првиот целосно вегетаријански град во светот, а се смета за најсветото место за луѓето кои ја следат религијата џаинизам. Во градот постојат 863 храмови, а секоја година доаѓаат луѓе кои веруваат дека нивниот спасител Адинатха одел по градските ридови.
Палитана е толку религиозно место што во 2014 година околу 200 монаси штрајкувале со глад, изјавувајќи дека е подобро да умрат од глад отколку да дозволат убивање животни и консумирање месо.
Монасите исто така барале затворање на 250 месари и забрана на ритуално убивање животни. Владата била присилена да го прогласи градот за зона без месо. Секоја година во градот доаѓаат 4 до 5 милиони посетители, религијата на која припаѓаат се фокусира за доброто на сите суштества. Следбениците на религијата веруваат дека луѓето, животните и растенијата имаат душа од еднаква вредност.
