Фудбал

Рајо очајно се бори за опстанок: Столе Димитриевски доби нов тренер

20. март 2019 - 18:09 | К.З.

Лошата форма на Рајо Ваљекано во последните два месеци ја зема првата жртва – досегашниот тренер Мичел беше отпуштен откако клубот доживеа седум последователни порази, а на неговото место ќе седне Пако Хемез.

Нашиот репрезентативен голман Столе Димитриевски доби нов тренер кој ќе се обиде да обезбеди опстанок за Рајо Ваљекано до крајот на сезоната.

Можеби е предоцна, но велат дека надежта последна умира. Рајо Ваљекано се наоѓа на претпоследната позиција во Ла Лига, со 6 бода заостанување зад тимовите кои се во „сигурната зона“.

Пако Хемез беше тренер на Рајо Ваљекано од 2012 до 2016 година, а потоа работеше во Гранада, Круз Азул и Лас Палмас. Тој потпиша договор со клубот до 2020 година.

Коментирај