Италијанскиот стручњак на крајот на сезоната ќе го напушти Реал и ќе стане селектор на Бразил, а Radio Marca пренесува дека мадридскиот клуб веќе го пронашол неговиот наследник.
Имено, нов тренер на Реал ќе биде Шаби Алонсо, Баскиец кој сега успешно го води Баер од Леверкузен.
Алонсо одигра 246 натпревари за мадридскиот клуб и со него освои сѐ што може да се освои, а многумина го сметаат за еден од најголемите играчи од средниот ред во историјата на Реал. Пред да дојде во Реал настапуваше за Ливерпул, Реал Сосиедад, како и за Еибар на позајмица.
Во 2014 година го напушти мадридскиот клуб и замина во Баерн, а три години подоцна ја заврши играчката кариера и веднаш потоа стана тренер во помладите категории на Реал.
За репрезентацијата на Шпанија одигра 114 натпревари и постигна 16 голови, а стана светски шампион во 2010 и европски во 2008 и 2012 година.
Кралскиот клуб ќе мора да му плати отштета на Баер за Алонсо бидејќи Шпанецот има договор со германскиот клуб до 2026 година.
По пет одиграни натпревари Баер го дели првото место во Бундеслигата со Баерн, бидејќи двата тима имаат по 13 освоени бода.
Од друга страна, Реал на Анчелоти по шест одиграни натпревари има освоено 15 бода и е на третото место во Ла Лига.
Правилниот изговор на неговото име всушност е Шаби (скратено од Шабиер), а во Македонија одамна е погрешно познат како Чаби.
