Рецепти

Рецепт на денот: Панакота со сос од нектарина

6. септември 2019 - 14:20 | М.С.

Летото е при крајот, искористете го овој познат италијански рецепт за да уживате во вкусот на нектарините.

Состојки:

400 мл. павлака за готвење

200 мл. млеко

75 гр. шеќер

Екстракт од ванила

Три листа желатин

Три лажички шеќер

Четири зрели нектарини

1 лажица путер

Начин на подготовка:

Прелијте го желатинот со ладна вода и оставете да отстои околу 5 минути. Во тава загрејте млеко, павлака и шеќер со три-четири капки екстракт од ванила. Мешајте ги, но не дозволувајте да зовријат.

Исцедете ги лисјата желатин, па еден по еден додавајте ги во павлака со непрекинато мешање. Кога желатинот ќе се раствори, тргнете го од оган и сипете во чашите за сервирање.

Панакотата оставете ја во фрижидер најмалку 4 часа. Излупете ги нектарините, исецкајте ги на коци и динстувајте на путер. По желба, додајте малку шеќер и варете додека смесата се згусне.

Сервирајте ја панакотата со изладениот овошен сос.

Коментирај