Кога излезе во 2010 година, „Red Dead Redemption" стана инстант-класик. Отворениот свет сместен во Дивиот запад, ни понуди вестерн верзија на „Grand Theft Auto“. Оваа игра наскоро добива втор дел, за кој беше објавен првиот трејлер.
Играта направена од екипата зад популарните „Grand Theft Auto“ ве сместува во отворен свет во средината на 1800-те години во Америка, во периодот на транзиција од место на безредие во модерна цивилизација.
Долгоочекуваната „Red Dead Redemption 2“ штотуку беше најавена со првиот трејлер и фотографии, веднаш открива дека ова ќе биде визуелно ремек-дело.
Ова е приказна за седум каубојци дел од банда - очигледен омаж на филмскиот класик од Акира Куросава „Seven Samurai".
Покрај пукање и борба за живот, во играта ќе има и јавање на коњи изгледа дека ќе има возење на кану, одгледување добиток, тепачки со кокошки, прекрасна природа - типично за овој период, во Дивиот запад.
„Red Dead Redemption 2“ ќе може да ја игра еден играч, но и ќе нуди мултиплеер онлајн опција.
Играта достапна за конзолите PlayStation 4 и Xbox One треба да излезе на есен, следната година.
Погледнете го трејлерот:
