Велшкиот репрезентативец од самата гол-линија му го украде голот на Кристијано Роналдо против Локомотив и стана првиот Британец што постигнал гол за Јувентус во Лигата на шампиони.
Уште во 4-тата минута од натпреварот во Москва тимот на Јувентус поведе со 0:1 и тоа по грешка на голманот Гиљерме. Кристијано Роналдо шутна директно од слободен удар по средината на голот каде се чинеше Гиљерме ќе забележи лесна одбрана, но топката му се лизна од рацете и низ нозете замина накај мрежата.
Веднаш налера Арон Ремзи кој ја шутна в гол иако топката со поголемиот дел од обемот веќе беше зад линијата и дури и да не ја удреше голот ќе беше постигнат.
Вака, тој буквално му го украде голот на Роналдо за што изјави: „Мислев дека топката немаше да влезе во гол. Исто така ми се чинеше дека голманот е поблиску и ќе ја фати. Заради тоа ја шутнав. Немав намера да му го украдам голот“.
По завршувањето на натпреварот тој и лично му се извинил на Роналдо. Благодарение на овоју „незаслкужен“ гол, Ремзи стана првиот Британец кој постигнал гол во дресот на Јуве во Лигата на шампионите. До сега на ниту еден играч од четирите британски држави (Англија, Велс, Шкотска и Северна Ирска) не му успеало такво нешто.
