Во Лондон се одржа светската премиера на „Bridget Jones’s Baby“, а актерката Рене Зелвегер блесна на црвениот килим. По 12 години таа повторно го прослави враќањето на ликот на Бриџит на филмското платно.
Голем број обожаватели беа собрани за да ја поздрават познатата актерка која делеше автограми, се фотографираше со нив и одговараше на нивни прашања.
На црвениот килим потоа беше во друштво со колегите Патрик Демпси и Колин Фирт, кои повторно се појавуваат со неа во филмот. Патрик беше заедно со сопругата, 14-годишната ќерка и 9-годишните близнаци.
Филмот официјално ќе биде прикажан во киносалите низ светот на 16 септември.
