Објавен е првиот тизер трејлер за научно-фантастичниот филм „Valerian and the City of a Thousand Planets“, адаптација на француски стрип од 60-тите. Режисер и сценарист е Лук Бесон, човекот зад The Fifth Element, Léon: The Professional, The Transporter, Lucy, Taken и други познати филмови.
Валеријан (Дејн Дехан) и Лорелајн (Кара Делавин) се специјални владини агенти за човечките територии, кои имаат за задача да го одржуваат редот и мирот во универзумот. Под наредба на нивниот командер (Клајв Овен) испратени се на мисија во прекрасниот интергалактички град Алфа - брзорастечка метропола во која живеат повеќе видови на жители од целата галаксија.
Иако ова е мирен град со послушни граѓани, некои сили во Алфа ќе работат против доброто на сите - а останува на Валеријан и Лорелајн да ја спасат нашата раса од опасноста.
Како што може да видите и сами, пејачката Ријана има улога во овој филм - таа глуми вонземска стриптизерка, која во тек на приказната ќе се сретне со титуларниот херој.
Премиерата на овој потенцијален блокбатер е закажана за на 21 јули 2017 година. Погледнете го тизерот: