Додека Брегзит предизвикува паника кај голем дел од британските компании, во Rolls Royce бараат начин да ја задоволат огромната побарувачка за новиот модел Cullinan, кој е првиот ултралуксузен SUV од овој производител.
Од самиот почеток на производството на луксузниот Cullinan, со кој Rolls Royce дебитираше во SUV сегментот, британската компанија работи под полна пареа со цел да ги задоволи барањата на купувачите, кои не се колебаа да го купат овој модел и покрај високата цена.
Според изјавата на извршниот директор на Rolls Royce кој е задолжен за пазарот во Северна Америка, работниците во фабриката работат со полн капацитет за да ги произведат и испорачаат сите нарачани примероци на Cullinan, но листата со нарачки моментално е толку голема што некои од купувачите ќе треба да чекаат до јули за да пристигнат нивните возила.
Во обид да ги испорачаат сите нарачки, а со оглед на тоа дека богатите купувачи не сакаат да чекаат, Rolls Royce вработи дополнителни 200 работници и почнаа интензивно да размислуваат за проширување на производните капацитети.
Од компанијата велат дека поголемиот дел од купувачите кои покажале интерес за новиот модел се девојки, што е нов и невообичаен случај во досегашното постоење на компанијата. Само за потсетување, Rolls Royce Cullinan е ултралуксузен SUV со 570 коњски сили, 6,7-литарски битурбо V12 мотор кој му овозможува на автомобилот максимална брзина од 250 километри на час.