Само што се преселија во Саудиска Арабија, португалскиот фудбалер и неговата девојка прекршија еден многу строг закон.
Во Саудиска Арабија постои закон кој забранува живеење под ист покрив на лица кои не се роднини или не се во брак. Кристијано Роналдо и неговата девојка Георгина Родригес веќе се преселија во луксузна вила, но и го прекршија овој строг закон.
Згора на тоа, стапувањето во сексуални односи со лице надвор од брак е исто така забрането. Тешко е да се поверува дека Роналдо и Георгина ќе се воздржат од секс за време на нивниот престој во Саудиска Арабија.
Воедно, иако тие не во брак, имаат две деца од нивната петгодишна врска. Имање деца со партнер во вонбрачна заедница е уште еден прекршен закон во оваа крајно конзервативна муслиманска земја.
Но, саудиските власти се чини ќе замижат на сите овие прекршувања. Кристијано Роналдо е славна личност која и нема да биде првата на која ѝ се прогледало низ прсти за вакви работи.
„Иако законот сѐ уште не забранува живеење заедно на маж и жена без брачен договор, властите почнаа да замижуваат на тоа и да не ги гонат престапниците. Се разбира, овој закон се користи доколку се јави некој проблем или криминал“, вели еден саудиски адвокат во изјава за шпанскиот весник Sport.
„Саудиските власти денес не интервенираат за тој дел од законот кога се работи за странски државјани, но законот продолжува да забранува живеење под ист покрив на невенчани“, вели друг саудиски адвокат.
Двајцата саудиски адвокати побарале да останат анонимни.
Роналдо со саудискиот шампион Ал Наср потпиша договор до јуни 2025 година.
