Руската вселенска агенција објави дека пронашле решение за тоа како да ги заштитат сателитите од оштетувања предизвикани од вселенскиот отпад кој често им предизвикува проблеми.
Двослоjниот заштитен штит направен од алуминиум е исполнет со бројни конусни шилци кои се обложени со тврда легура. Празнините помеѓу шилците се испполнети со јаглерод со зацврстени јаглеродни валкна, композитен материјал кој се употребува при изградбата на вселенски летала и ракетни носеви.
Штитот е дизајниран да ги крши налетаните предмети на мали парчиња кои потоа би биле истуркани во различни правци одбивајќи се од конусните шилци. Според производителот, овој вид на штит е 10 проценти полесен од обичниот рамен штит.
Меѓународната вселенска станица ја менува својата орбита секој пат кога ќе бидат забележани парчиња отпад кои можат да ѝ наштетат.
Според Роскосмос, во моментов има скоро 700 илјади парчиња вселенски отпад кој орбитира околу Земјата. Дури и предмети со дијаметар од само еден сантиметар можат да предизвикаат сериозни оштетувања прои евентуален судир. Роскосмос управува со 74 руски сателити околу Земјата.