Британската аукциска куќа Christy’s продаде дијамант за неверојатни 50 милиони долари со што е соборен светски рекорд кога станува збор за цена на розов дијамант по карат.
Скапоцениот дијамант од 19 карати го купи Harry Winston, позната компанија за скапоцен накит. Станува збор за Pink Legacy, еден од најчистите примероци.
Аукциската куќа соопшти дека за период од 251 година продадени се само четири дијаманти потешки од 10 карати во розова боја.
„Дијамантот е продаден по исклучително висока цена од 50 милиони долари, за 2.6 милиони долари по карат, што е светски рекорд кога станува збор за розов дијамант. Претходниот рекорд беше 2.1 милион долари, но за многу поголем дијамант, од над 50 карати“, изјави Франсоа Киријел од Christy’s.