Денеска ќе се одигра финалниот натпревар во машка конкуренција на Државното првенство во тенис.
За титулата државен првак ќе се борат Предраг Русевски и Димитар Грабул, кои своите опоненти во полуфиналето ги победија во два сета.
Русевски со 6-1, 6-2 го совлада Стефан Мицов, а Грабул двата сета против Драган Думевски ги доби со 6-4.
Инаку, Русевски и Грабул заеднички ја освоија титулата во машки двојки, откако во финалето славеа против Стефан Мицов и Димитар Ристовски со 7-6, 7-6.
Во женска конкуренција, во сингл, нова државна шампионка е Катерина Маринковиќ која во финалето ја совлада Ана Ристевска со 6-4, 6-2.
