Русија денеска ги обвини САД дека стојат зад нападот со беспилотни летала врз Кремљ со цел да се елиминира претседателот Владимир Путин.
Портпаролот на Кремљ, Дмитриј Песков, на брифинг со новинарите изјави дека Вашингтон треба да биде свесен дека Русија знае дека САД избира цели и дека Украина само ги спроведува нивните планови.
Во средата вечерта, Кремљ беше нападнат со беспилотни летала во, како што Москва без докази тврди, неуспешен обид за атентат на претседателот Владимир Путин.
Песков рече дека Русија има неколку опции и кога ќе дојде одговорот, тоа ќе биде внимателно разгледано и избалансирано. Тој рече и дека е во тек итна истрага, но не кажа кога може да се очекуваат резултатите од истрагата. Во наводниот напад на резиденцијата на Путин во Кремљ биле користени два дрона, но руската одбрана ги оневозможила, тврди Москва.