Москва, 25 ноември 2019 (МИА) – Русија, главниот воен поддржувач на сириската Влада на претседателот Башар ал-Асад, денеска ги повика курдските милитанти да се приклучат кон сириската државна војска, јави DPA.
- Колку побрзо, толку подобро, рече заменик министерот за надворешни работи Михаил Богданов.
Тој кажа дека Русија е во контакт со „сите страни“ во напорите да го обезбеди мирот врз основа на „респект кон сириската сувереност“.
Курдските милиции, кои се спротивставија на сириската влада, минатиот месец беа избрикани од деловите во северниот дел на Сирија каде турската војска изврши инвазија.
Турција, овие курдски милиции ги смета за терористички кои сакаат да се издвојат во своја држава надвор од деловите на Турција, Сирија и Ирак.
Русија се согласи со Турција заеднички да патролираат на делови од северната сириска граница во обид да ја спречи Турција да продолжи со својата воена операција.
Сириските владини сили, сојузници на Русија, изминатиот период презедоа неколку области напуштени од курдските милиции, пренесе DPA.
