Натпреварувачката во синхронизирано пливање, Варвара Суботина, призна дека нејзината зависност од социјалните мрежи е толку голема што станува нервозна кога телефонот не ѝ е во рака.
„Најискрено признавам дека сум зависна од Instagram. Доколку го немам мобилниот в раце и не скролам по социјалните мрежи, станувам нервозна“, изјави Варвара за Спорт день за днем.
Иако 18-годишна, таа е четирикратна шампионка (двапати светска и двапати европска) во синхронизирано пливање и се смета за најталентираната млада пливачка во Русија.
„Минатата година тренерот ми рече дека ми треба пауза од Instagram бидејќи сум имала нездрава зависност која ми одземала од енергијата. Ми забрани да споделувам слики. Подоцна се договоривме тоа да зависи од моите резултати: ако настапам добро да можам да споделам слика“, Суботина го открива необичниот договор со тренерот Татјана Данченко.
Данченко дури и ѝ посочила дека сликите премногу откриваат и треба да објавува понормални.
