Рускиот амбасадор во Турција, Андреј Карлов, во кој денеска беше пукано во текот на посета на уметничка галерија во Анкара, починал на местото на настанот, пишува руската новинска агенција RIA Novosti, пренесува Guardian.
Андреј Карлов беше ранет во текот на говор на отворање на изложбата со наслов „Русија видена од очите на Турција“. Иако на амбасадорот му била пружена помош, тој починал од повредите, пишува RIA Novosti.
Смртта на амбасадорот е потврдена и од Министерството за надворешни работи во Русија,
Напаѓачот го убил амбасадорот пукајќи неколку пати во него, ранил уште неколку луѓе, а е убиен во текот на полициската акција.
Објавена е вознемирувачка видео снимка од безбедносните камери од која се гледа моментот во кој напаѓачот пука во рускиот амбасадор во Турција, Андреј Карлов.
Напаѓачот вика „Алаху Акбар“ и „Не ја заборавајте Сирија, не го заборавајте Алепо“. Неговиот идентитет не е утврден, а според сведоците носел црн костум и полициска идентификација.