Руските сили очигледно извлекуваат муниција и друг материјал од белоруските складишни бази. Ваквата активност покажува дека рускиот агресор во моментов не планира копнен напад против Украина од територијата на Белорусија.
Главната управа за воено разузнавање на Украина (GUR) објави дека воз со 492 тони муниција од 43-от арсенал за складирање ракети во Белорусија во Гомел пристигнал на железничката станица Кировскаја на Крим.
GUR објави дека белоруските власти планираат да испратат дополнителни 13 возови со оружје, опрема, муниција и други неодредени материјали од пет различни белоруски бази до железничките станици Каменска (Каменск-Шахтински) и Марчево (Таганрог) во Ростовската област. Снимките на социјалните мрежи ја поткрепуваат оваа информација. Геолокацирани снимки покажуваат најмалку два белоруски воза кои превезуваат белоруски тенкови Т-72 и воени камиони Урал во Минск и ракетни фрлачи земја-воздух Tor-M2 во Орша (регионот Витеб).
Според Институтот за војна, белоруската опрема и залихи на Крим и Ростовска област покажуваат дека руските сили се помалку сигурни во безбедноста на руските копнени линии за комуникација што минуваат низ северниот и западниот дел на Луганската област, со оглед на украинската контраофанзива таму. Генералштабот на Украина повтори дека ја набљудува Белорусија и дека не забележал никакви индикации за формирање на офанзивни групи во Белорусија. Малку е веројатно дека руските и белоруските сили ќе ја нападнат Украина од Белорусија.
Без разлика, Белорусија останува завојувана страна во руската војна против Украина. Белорусија материјално ги поддржува руските офанзиви против Украина и им обезбедува на руските сили засолништа од кои можат да ја нападнат Украина со прецизно оружје. Руските сили го гаѓаа Киев со беспилотни летала Shahed-136 лансирани од белоруска територија.
