Кошарка
ФИБА РАНГ ЛИСТА

САД и натаму најдобри во кошарка пред шампионот Шпанија

19. септември 2019 - 15:07 | Ф.З.

И покрај бламажата на Мундобаскетот репрезентацијата на САД и натаму е најдобро рангирана пред шампионот Шпанија, додека на третото место се проби Австралија. Македонија излезе од топ 50.

Шпанија стана светски шампион на мундијалот во Кина, но и тоа не беше доволно за да ги турне САД од првото место на најновата ранг листа на ФИБА. Со скок од 8 места сега трета е Австралија, а во топ 10 влезе Чешка со скок од дури 14 места, најмногу од сите учесници на Мундијалот заедно со Нов Зеланд кој е сега 24-ти. Голем скок има и Полска која рипна 12 места и сега е 13-та.

Кога станува збор на македонската репрезентација, паднавме дури 11 места и сме четврта репрезентација со најлош пад по Јамајка (15), Латвија (13) и Финска (13). Излеговме од најдобрите 50 светски репрезентации и сега сме 53-ти, а во Европа 29-ти.

Македонија досега никогаш не играла на Светско, а низата од четири настапи едноподруго на ЕУРО ја прекинавме со неуспешните квалицикации за изданието во 2017. Квалификациите за 2021 ги почнуваме во февруари дома против Естонија.

Коментирај