САД ја прекинуваат билатералната соработка со Русија за постигнување примирје во Сирија, поради тоа што „Москва не се придржува до своите обврски“, се истакнува во соопштението на портпаролот на Стејт департментот, Џон Кирби, што го потврди и Белата куќа.
Од американскиот Стејт департментот додаваат дека ќе го отповикаат персоналот кој требаше да работи на остварувањето на примирјето во Сирија, но притоа САД ќе продолжат да ги користат воените контакти со Русија, со цел да се избегнат инциденти во воздухот над Сирија, каде што дејствуваат американската авијација која ја предводи антиџихадистичката меѓународна коалиција и руските воздухопловни сили кои даваат поддршка на војската на владата во Дамас.
Кирби во изјавата наведува дека „САД „не се штедат во напорите на преговорите“ и дека носењето на ваквата одлука за Вашингтон „не било лесно“. Притоа повторува дека таа е донесена поради „неизвршувањето од страна на Русија на своите обврски“.
„За жал, Русија не ги исполни своите обврски, вклучително и обврските во однос на меѓународното хуманитарно право и резолуцијата 2254 на Советот за безбедност на ОН, а исто така не сакала или не можела да и изврши за да го осигури почитувањето на договорите, кои Москва ги направи со сирискиот режим. Наместо тоа, Русија и сирискиот режим, решиле да го следат воениот пат, кој не е во согласност со прекинот на борбените дејствија“, истакнува портпаролот на американската дипломатија.
Кирби додава дека наводното одбивање на Русија да се придржува до договорот се покажало во „интензивирање на нивните напади против цивилните објекти, вклучително и болници, и обидите да се спречи доставувањето на хуманитарната помош на цивилите на кои им е потребна, вклучително и со нападот од 19-ти септември на хуманитарниот конвој“.
Белата куќа смета дека во дијалогот со Русија за Сирија „истекло трпението“, ги извести новинарите во понеделникот на редовниот брифинг портпаролот на американскиот претседател Џошуа Ернест.
„Нашиот претседател од почетокот говореше дека Русија нема да го добие посакуваното, додека не ги исполни своите обврски. За жал, такво нешто не се случи“, рекол Ернест.
Рекол дека САД и Русија повеќе нема за што да разговараат во однос на договорот за Сирија. „Тоа е трагедија за сирискиот народ“, додал портпаролот на Белат куќа.
Белата куќа уште еднаш предупреди дека „зајакнувањето на екстремизмот во Сирија создава закана за внатрешната безбедност на Русија“. „Тие се свесни дека постојат ризици дека нивното присуство во Сирија, исто така има ризици со Русија се соочува дома“, тврди Ернест.