Играчот на Севилја, Самир Насри, се наоѓа под истрага на Антидопинг агенцијата на Шпанија која го сомничи дека додека се лекувал во Лос Анџелес, користел забранети сретства. Аферата излезе во јавноста, откако тој објави дека бил хакиран неговиот профил на социјалната мрежа Twitter.
Профилот на Самир Насри на Twitter бил хакиран , а потоа биле и откриени фотографиите на фудбалерот со вработените во контоверзната клиника „Drip Doktors“, која за опоравување на телото користи витаминска терапија.
Шпанската антидопинг агенција забранува интервенти инфузии или инјекции со повеќе од 50 милилитри на шест часа, а исклучок се терапиите кои се одобрени од доктор.
Типот на витаминска инфузија која ја примал Насри е забранет од Светската антидопинг агенција уште во 2005 година.
Насри во летниот преоден рок како позајмен играч од Манчестер Сити се пресели во Севилја.
