Samsung соопшти дека новиот Galaxy S8 нема да биде претставен на Mobile World Congress во Барселона. Големиот настан посветен на мобилните телефони, ќе се одржува од 27 февруари до 2 март, а според еден од директорите на Samsung, тоа е прерано за промоција на новиот врвен модел на компанијата.
Со тоа станува се поизвесно дека Samsung ќе го претстави Galaxy S8 во втората половина на годината. Тоа е мал преседан, бидејќи јужнокорејската компанија сите свои претходни уреди од S серијата ги претставуваше во Барселона.
Samsung Galaxy S8 ќе биде прв важен производ што јужнокорејската компанија ќе го претстави по дебаклот со повлекувањето на Note 7.
