Samsung, на саемот Gamescom 2019. година, премиерно во Европа го претстави новиот CRG5 заоблен гејмерски монитор.
„Играњето видеоигри како и очекувањата на играчите, еволуираат со голема брзина. Како лидери во индустријата на гејминг мониторите, секогаш целиме кон иновации и креирање на напредно играчко искуство. CRG5 е прв во индустријата кој нуди заоблен монитор со RapidCurve технологија од 240Hz и G-Sync компатибилност која ќе овозможи играњето видеоигри да се доживува на нов начин“, изјави Сеог-ги Ким, извршниот потпретседател на Visual Display Business во компанијата Samsung Electronics.
Gamescom е вистинско место каде што Samsung ја покажа најновата технологија од оваа област, затоа што е најголем гејмерски настан.
Мониторот со своите 27 инчи комбинира неверојатна висока брзина на освежување на слика од 240Hz, со помош на RapidCurve технологијата и заобленост од 1500R, елиминирајќи доцнење на сликата. Брзината на освежување од 240Hz овозможува прилагодување на променливата ситуација додека заоблениот дисплеј од 1500R нуди широко поле на прегледност.
