Samsung наскоро треба да го претстави паметниот телефон A5, а на интернет се појави видео кое, според информациите, го покажува изгледот на новата верзија на тој уред.
Видеото кое беше отстрането набргу по објавувањето, прикажува уред од средната класа кој помалку личи на S7. Изгледа како да има читач за отисоци на предната страна, заоблени агли, звучник од десната страна и USB-C порт.
Телефонот би трбало да има екран од 5,2 инчи и резолуција од 1.080р, процесор Samsung Exynos 7880, 3 GB RAM и 32 GB меморија, а веројатно ќе биде достапен во четири бои - розева, сина, златна и црна.
Препоставките се дека новиот паметен телефон на Samsung ќе ја има новата 7.0 Nougat верзија на Android. Најавите се дека новиот телефон ќе се појави на пазарот во текот на првите три месеци од следната година.