Доколку вагата покажува ист број на килограми неколку дена по ред, тогаш може да ѝ поверувате.
Сигурно сте забележале дека вагата покажува различна килажа неколку дена по ред, во зависност од тоа во кое време се мерите. Затоа се препорачува да се мерите без облека во определено време од денот, за да имате точна бројка.
Најдобро време за мерење е наутро, кога организмот и цревата се прочистени. Од друга страна, фрустрирачки е кога вагата покажува вишок килограми во некој период од денот.
Избегнувајте мерење во следните ситуации.
По напорен тренинг
На организмот му треба голема количина течност после тренингот за да им помогне на мускулите да се регенерираат. Во тој момент, обично тежиме килограм или два повеќе. Важно е да имате предвид дека на вашето тело му треба вода и дека ќе ја видите вистинската состојба ден или два после напорното вежбање.
По патување
По патувањето подолго од 4 часа, во нашето тело се прави нерамнотежа на течности и електролити, што доведува до моментално, мало зголемување на телесната тежина.
Во менструалниот циклус
Тогаш доаѓа до хормонски дисбаланс, телото ја задржува водата и е надуено. Мерете се после три дена од циклусот, затоа што тогаш ќе ви се покаже реалната тежина.
Сепак, прашањето е: Во која мера килограмите се показател за нашиот изглед?
Кога губите килограми, не значи дека го доведувате телото до совршенство и затоа е важно да се има предвид важноста на тренингот за преобликување на нашето тело.
Кога интензивно вежбате, губењето на тежината не мора да се случи на почетокот, туку масните наслаги постепено се губат и се компензираат со зголемен обем на мускулите. Еден килограм мускул зазема помалку простор од телото отколку килограм маснотии.
Активното напрегање го забрзува вашиот метаболизам за 15% и затоа се намалува обемот на вашето тело без оглед на килограмите. Мускулите растат и се топат маснотиите. Затоа сантиметрите се пореален показател.