Новиот сателит TGO, што се наоѓа во орбитата на Црвената планета, ги испрати првите фотографии од површината на Марс. Станува збор за сателит што е дел од ExoMars мисијата на Европската вселенска агенција и Русија.
Некои од фотографиите покажуваат интересни детали од површината на Марс, а се направени на оддалеченост од само 235 километри од планетата. Други снимки се направени кога леталото летало на оддалеченост од илјадници километри од Марс.
Фотографиите се презентирани во видео кое покажува кратери, планини и различни области на површината на Марс. Научниците се воодушевени од првите снимки направени со системска камера наречена CaSSIS (Colour and Stereo Surface Imaging System).
Главната цел на мисијата е анализа на гасовите во атмосферата на Марс.