Парис Хилтон и нејзиниот партнер Картер Реум се свршија по едногодишна врска. На фотографиите кои Парис ги објави на Instagram, тие двајцата се прегрнати на плажа, облечени во бело.
„Просто знаеш кога ќе си ја пронајдеш сродната душа. Го чувствуваш тоа“, стои во описот на објавата.
Како што вели самата Парис, Реум организирал специјално патување за нејзиниот четириесетти роденден. Таа откри и детали за свршувачката, односно како ја запросил на приватен остров.
„Реков да, не постои никој друг со кого би можела да бидам засекогаш. Се радувам на нашето следно поглавје“, изјави Парис за People.
