Се урна дел од автопатот „Меилон Експресвеј“ во провинцијата Гуандон во Јужна Кина при што има загинати.
Дел од автопатот се урна рано наутро во Јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуандон. Инцидентот се случил околу 2:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако поминале дел од патот непосредно пред да се урне.
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.
