Зошто секогаш тој? Ако не ви беше јасно досега, „Супер Марио“ Балотели вечерва ви ги појасни работите. Уникатниот италијански напаѓач повторно беше во центарот на вниманието, но не поради голот кој го постигна против Сент Етиен, туку поради прославувањето на погодокот на Instagram само неколку секунди откако топката ја затресе мрежата.
Сцената беше подготвена за ерупција на Марио Балотели. Токму тоа и се случи во 12-тата минута, кога по еден корнер кој го изведе Флоријан Тован, Балотели погоди за водство на Марсеј од 1:0.
Но, голот не беше толку спектакуларен колку прославата која следуваше. Веднаш откако топката влезе во мрежата, Балотели пристапи до еден од камерманите, зеде телефон и се приклучи на Instagram Live за да го прослави погодокот.
Овој момент сигурно ќе остане запаметен од навивачите, а можеби и ќе резултира во нов тренд на прославување на погодоци во живо на социјалните мрежи.
До крајот на натпреварот, Флоријан Тован постигна гол од белата точка за да го постави конечниот резултат од 2:0 за да го искачи тимот на Олимпик Марсеј на четвртото место, на кое до пред ова коло се наоѓаше Сент Етиен.
