Околу 3.200 луѓе од сите генерации и од повеќе од 20 земји учествуваа на несекојдневниот проект во градот Хал во Британија. Тие од глава до пети беа прекриени со сина боја и голи позираа пред најголемите градски знаменитости.
Проектот е дело на фотографот Спенсер Туник кој е познат по ваквиот тип на фотографии и е најголем проект од овој вид во Британија.
Идејата е да се одаде чест на поморската историја на градот Хал и на неговите најважни знаменитости.
Проектот на Туник го нарача уметничката галерија Ференс од Хал, а фотографиите од перформансот ќе бидат дел од нејзината програма за следната година.
„Sea of Hull е еден од најубавите проекти на кои досега сум работел. Интересно е да се видат најразлични луѓе обоени во сино како се движат и позираат низ градот на кој му се восхитувам“ - изјави познатиот фотограф.