Сите трендови доаѓаат и си одат и често се враќаат повторно во мода по неколку години или децении. Многу од модните трендови од оваа година имаат корени во минатото, особено во 90-тите години. Но овие осум трендови се миновни и најверојатно повеќе нема да бидат во мода во 2017 година.
Околувратници (choker)
Повеќеслојните метални ѓердани ќе заменат популарните околувратници. Ова значи комбинирање на три ленчиња, некои помали со некои поголеми.
Накит и додатоци со боцки
Спакувајте ги модните додатоци со боцки додека не се вратат повторно во мода. Наместо тоа комбинирајте интересни парчиња накит кои што се различни по текстура и боја.
Contouring и јака шминка
Природен изглед со благ мокар ефект ќе ја замени фиксираната шминка што доаѓа како резултат на техниката contouring, која најчесто оди во комбинација со јаки бои на кармин.
Цврсти локни
Лесно пуштените и бушави локни ќе ги заменат стегнатите, што значи дека нема да треба да користите многу спреј за коса за фиксирање на локните.
Џинс
Иако џинсот е секогаш во мода, сега плишот ќе се истакне повеќе од тексас материјалите. Плишот дава гламур, елеганција и шик на аутфитот, па затоа е добро да набавите некое плишано парче облека.
Тесни припиени фустани
Тесните фустани припиени на телото ќе бидат заменети од пошироки тенки фустанчиња со чипка, инспирирани од долната облека.
Чевли на потпетици наместо патики на платформа
Време е да ги спакувате патиките со висока платформа, бидејќи им „помина времето“. Наместо тоа, инвестирајте во чевли или кратки чизмички на потпетици, кои што ќе бидат убави и удобни.
