Ставете неколку стаорци во кафез без храна и вода и на крај ќе се обидат да се јадат едни со други. Ако имаат доволно храна и вода, на крај ќе се обидат да имаат секс едни со други.
Вака Guardian се обиде да ги опише односите меѓу ликовите во најпопуларната серија од 90-тите – „Friends“.
Според британскиот весник, токму тоа се случило меѓу популарните „Пријатели“ Моника, Чендлер, Рејчел, Рос, Фиби и Џои.
„Тие се како во кафези во нивните станови од кои ретко излегуваат, освен кога одат во кафулето Central Perk. Имаат храна и вода, не мора да се јадат едни со други, па преминуваат на следната точка на ‘дневниот ред’ преживување“, пишува Guardian.
Серијата беше ТВ-содржина што можеше да се гледа со целото семејство – немаше експлицитни сцени со алкохол, секс и дрога, а сите овие теми беа суптилно спомнувани.
Сепак, потсетува Guardian, серијата беше прилично либерална за своето време, а ликовите имаа бројни партнери, покрај кои, сепак се формираа две двојки од „сопствените редови“.
Авторот на текстот пресметува дека шесте ликови спиеле со вкупно 138 партнери во текот на 236 епизоди, а меѓу нив „води“ Џои Трибијани.
„Главна“ двојка во серијата се Рос и Рејчел, а подоцна Моника и Чендлер, кои ја докажуваат тезата за стаорците во кафез, односно тоа дека тие не излегуваат подалеку од нивниот круг.
Според многумина фанови на серијата, сценаристите направиле грешка со тоа што се обидоа (неуспешно) да ги спојат Рејчел и Џои, а авторот на текстот за Guardian се согласува со нив.
Низ епизодите има и неколку „што би било кога би било“ моменти во кои се разгледуваат опциите за врски меѓу ликовите, а знаеме и дека Моника му фрлила око на Џои кога се доселиле во зградата.
