Американската тенисерка Серена Вилијамс ја објави веридбата со своето момче, еден од основачите на социјалната мрежа Reddit, Алексис Оханијан.
Серена, која е една од најуспешните во историјата на тенисот, веста дека го кажала судбоносното „да“ го објави на социјалните мрежи, поточно преку објава во стилот на поема на Reddit.
Таа открива дека Алексис нејзината рака ја побарал во Рим, град во кој се запознале и ја започнале врската.
Освојувачката на 22 грен слем титули со веридбата ги замолкна медиумите кои речиси една година шпекулираа дека таа е во врска со својот тренер Патрик Муратоглу.