Познатата актерка неодамна откри дека сѐ уште се опоравува од козметичкиот тренд од 90-тите години на минатиот век.
Имено, таа во интервју за InStyle се пожали на трендот на тенки веѓи кој владееше во 90-тите и изјави дека на некој начин се уште се опоравува од него.
Претерано исчупани и заоблени веѓи беа еден од најпопуларните трендови кога актерката ја започнуваше својата кариера пред речиси три децении.
Во тоа време многу ѕвезди како Кејт Мос, Памела Андерсон, Кристина Агилера и Џенифер Лопез го следеа трендот на тенки веѓи, а овој тренд повторно се врати во мода, кога манекенката Бела Хадид реши да го промени својот изглед.
Сепак, Шарлиз Терон одлучи дека повеќе нема да ги следи трендовите, дека сака природно да старее и дека никогаш повеќе нема драстично да го промени својот изглед за нови улоги. Таа се осврна и на бројните критики кои секојдневно ги добива поради нејзиниот изглед.
„Моето лице се менува и ми се допаѓа што моето лице се менува и старее. Луѓето мислат дека сум направила лифтинг, но стареењето не значи дека сум направила пластична операција“, изјави неодамна 48-годишната актерка.
