Дерби пресметката помеѓу Шкендија и Вардар заврши со победа на тетовчани кој продолжуваат во наредната фаза. Таму друштво ќе им прават и актуелниот освојувач Академија Пандев, потоа Брегалница, Лабуништа, Работнички, Шкупи и Струга.
Актуелниот бранител на пехарот немаше проблеми во Кочани против Осогово. Академија Пандев со нова висока победа го потврди пласманот во осминафиналето.
Работнички конечно се израдува на победа. Требаше да дојде Купот и дуел со второлигаш за „Дебармаалци“ да победат. По нерешениот резултат во Битола, овој пат Работнички лесно излезе на крај со Пелистер и со убедлив триумф ги исфрли битолчани од патот кон финалето.
Изненадување приреди штипска Брегалница која е единствениот второлигаш кој успеа да елиминира прволигаш. По минималната победа во Штип, „Сините“ успеаја да одиграат без голови на гости кај „Лавовите“ од Ѓорче.
Силекс имаше водство против Шкупи, кратовчани дури добија и играчка предност откако гостите заработија црвен картон, но сепак чаирчани успеаја да постигнат гол и поради гол на гости да се изборат за пласман во наредната фаза.
Последниот осми патник ќе биде познат утре за кога е закажан реваншот помеѓу Ренова и Тиквеш. Потоа ќе следува и осминафиналната жрепка.
Стадион „Никола Мантов“ во Кочани
Осогово - Академија Пандев 1:4 (1:7 вк.)
Стрелци: 10' Елвир Рамиќ - 5' Михаил Маневски, 51', 59', 68' Марио Крстовски
Судија: Влатко Илиоски (Прилеп)
Стадион „Ѓоче Петров“ во Скопје
Македонија ЃП - Брегалница 0:0 (0:1 вк.)
Судија: Боби Величков (Велес)
Стадион „Силекс“ во Кратово
Силекс - Шкупи 1:1 (1:1 вк.)
Стрелци: 11' Дарко Додев - 72' Марин Јурина
Црвен картон: 50' Бесарт Кривањева (Ш)
Судија: Благојче Ралевски (Битола)
Стадион „Борис Трајковски“ во Скопје
Работнички - Пелистер 4:0 (5:1 вк.)
Стрелци: 32' (п) Себастијан Ерера, 60' Иван Марковиќ, 63' Стефан Јевтоски, 75' Давид Тошевски
Судија: Албрим Шаќири (Струга)
Стадион „Атина Бојаџи“ во Охрид
Охрид - Лабуништа 2:3 (2:5 вк.)
Стрелци: 32' Александар Целески, 57' Никола Секулоски - 4' Пајазит Салиу, 12' Мирлинд Даути, 85' Јасин Казимоски
Судија: Петар Мантев (Неготино)
Стадион „Градска Плажа“ во Струга
Струга - Борец 1:0 (1:0 вк.)
Стрелци: 47' Нијас Лена
Судија: Крумислав Ѓоргиев (Штип)
Стадион „Градски“ во Тетово
Шкендија - Вардар 1:0 (3:2 вк.)
Стрелци: 74' Агим Ибраими
Судија: Марјан Ецкоски (Охрид)
Утре во 13:30:
Стадион „Градски“ во Тетово
Ренова - Тиквеш (2:0 вк.)
Судија: Дејан Младеновски (Скопје)