Отприлика третина од луѓето имаат проблем со несоница. Освен промена на навиките, решението за подобар сон е и во храната. Овие намирници може да ви помогнат да спиете мирно.
Банани
Бананите се богати со магнезиум кој ги опушта мускулите, а може да помогне за справување со несоницата и други проблеми поврзани со спиењето. Содржат серотонин и мелатонин кои го поттикнуваат спиењето.
Бадеми
Освен што се извор на здрави масти, полни се и со триптофан и магнезиум кои помагаат во опуштањето на мускулите и нервниот систем, а го изедначуваат и срцевиот ритам. Ниацинот игра клучна улога во регулацијата на стресот, што доведува до подобар сон.
Мед
Само една лажичка мед е доволна за поттикнување на ослободување на мелатонин во мозокот. Го намалува лачењето на неуропептидот орексин, кон не одржува будни.
Овесни снегулки
Освен што се богати со витамини, минерали и аминокиселини кои го поттикнуваат мелатонинот кој предизвикува сон, поттикнуваат и производство на инсулин.
