Овогодинешната мартовска продажба на Nutella крем со намалена цена од 70% направи неповторливи редици пред француските маркети, па затоа научниците решија да „копаат“ малку подлабоко и да откријат која е тајната на Nutella.
Почетоците на Nutella датираат од многу одамна, од време кога чоколадото беше премногу скапо па за да се произведе кремот мораше да се употребат големи количини на лешници.
Во 1946 година, веднаш по крајот на Втората светска војна, Италијанецот Пјетро Фереро реши да употреби лешници за да го произведе кремот кој го нарече Pasta Gianduja, за потоа тој да биде преименуван во Nutella во 1964 година. Неговата популарност оттогаш е ненадмината, со продажба на една тегла на секои 2,5 секунди на светско ниво, а компанијата Ferrero поради него има годишен профит од 6,5 милијарди фунти.
Nutella ја достигна популарноста многу брзо, бидејќи тоа не беше уште еден производ без кој не може да се преживее или е неопходно да се има, туку тој беше олицетворение на „поп-лукс“ синдромот (популарен луксуз). Она што го прави овој крем посебен се неговите состојки. Освен шеќерите и мастите, Nutella изобилува со чоколадо, а чоколадото само по себе содржи состојки кои створаат зависност. Една од овие состојки е триптофанот, кој е аминокиселина која е прекурсор на серотонинот, кој е одговорен за промената на расположенија. Високите нивоа на серотонин резултираат во чувство на задоволство. Покрај триптофанот, во Nutella има и фенилетиламин, невротрансмитер кој потекнува од амфетаминот, а предизвикува чувство на возбуда и привлечност.
Иако не може да се каже дека Nutella кремот е нутриционистички добар за вас, сепак многумина тврдат дека тој содржи клучни витамини и минерали кои се добри за вашето здравје. Лешникот кој го содржи кремот е добар за здравјето на вашето срце, но високото ниво на шеќер и масти се многу штетни за вас. Но, токму тие се одговорни за вкусот кој сте навикнати да го сакате.
Бидејќи се прави со палмино масло, Nutella кремот може да се размачка на било каква површина, од палачинки до леб.
Не е изненадувачки фактот дека Nutella е кремот кој сите нѐ направи зависни од благо, но и елитисти кога се работи за кремови за мачкање.
