На интернет „протекоа“ спецификациите на дури четири претстојни уреди од серијата смартфони Galaxy A на Samsung.
Најдобар од оваа група уреди ќе биде Galaxy A73, кој доаѓа со 6,7-инчен FHD + AMOLED екран со фреквенција од 120Hz, процесор Snapdragon 750G и батерија од 5.000 mAh која поддржува брзо полнење од 25W. Назад се четири камери, главната од 108, „декоративната“ од 2 MP (најверојатно сензор за длабочина) и две дополнителни камери од 12 и 8 MP. Едната од нив е дефинитивно ултраширока, додека другата можно е да има 2/3x зум. Овој модел го заменува Galaxy A72G, кој имаше ист процесор, но и главна камера од 64 MP. Другите спецификации се многу слични.
Galaxy A53 се напојува со процесор Exynos 1200, има 6,52-инчен FHD + AMOLED екран со стапка на освежување од 120Hz, како и батерија од 5.000 mAh која поддржува брзо полнење од 25W. Назад има и четири камери, главната од 64, ултра широката од 12, макрото од 5 и сензорот за длабочина исто така од 5 MP.
И двата уреда опишани погоре го користат оперативниот систем Android 12.
Galaxy A33 доаѓа со 6,4-инчен FHD + AMOLED дисплеј за стапка на освежување од 60 Hz, процесор MediaTek Dimensity 720 и малку поинакви задни камери, главна од 48, ултраширока од 8, макро од 5 и сензор за длабочина од 2 MP. Се напојува со батерија од 5.000 mAh која поддржува полнење од 15 W. Овој уред користи Android 11. Galaxy A32 има екран различен од AMOLED со помала резолуција и ова се разликите во однос на новиот модел.
Конечно, на пазарот наскоро ќе се најде и Galaxy A22 5G со три задни камери, од кои главната и ултрашироката имаат помала резолуција.
Се чини дека серијата Galaxy A носи претежно мали подобрувања во однос на минатогодишните модели, а презентацијата ќе биде направена во март.
