Се сеќавате ли на ледениот предизвик со истурање на студена вода? Парите собрани во текот на оваа интернет акција им помогнаа на научниците да го откријат генот, кој е заеднички кај луѓето кои живеат со АСЛ.
Пред две години интернетот беше преполн со видеа во кои луѓето го прифаќаа ледениот предизвик. Дел од акцијата беа и голем број на славни личности од спортот, филмот, музиката. Сите се полеваа со ледена вода за да се подигне свеста и зголеми вниманието за болеста позната како амиотрофична латерална склероза (АСЛ).
Со помош на ледениот предизвик беа собрани повеќе од 100 милиони долари, донирани за Здружението што се бори против таа болест, од кои 77 милиони беа наменети за истражување. По две години објавена е студија во Nature Genetics, во која се вели дека е откриен генот NEK 1, присутен во 3% кај случаите заболени од оваа болест во Северна Америка и Европа.
Ова откритие би можело да помогне во развивање на нова терапија, пишува Live Science.
